તારે રે સથવારો હરિ રામનો તારે રે સથવારો હરિ રામનો હે આતમના અભિરામનો તારે રે સથવારો હરિ રામનો તારી વાણીએ વેદ વસે ને આંખડીએ અનુકંપા માનવતાને કાજ સેવતો સકળ શક્ય અજંપા વાહક થઈને ફરતો નિશદિન ઈશ્વરી પયગામનો તારે રે સથવારો હરિ રામનો વિશ્વશાંતિનો વણપૂછ્યો તું પ્રાણવાન પ્રણેતા તારે પગલે હટે તિમિર ને પ્રકાશના પુર વહેતા અકળ આંધિમાં ગિરિરાજ ઉંચકવા સાથ તને ઘનશ્યામનો તારે રે સથવારો હરિ રામનો સ્વરઃ ગીતા રોય ક્લીક કરો અને સાંભળોઃ પૂજ્ય બાપુજીની હયાતીમાં જ તેમના માટે અસંખ્ય સ્તુતિકાવ્યો લખાયા-ગવાયા હતા. આ આવું જ એક ગીત છે. ગીતા રોયે તેમની કારકિર્દીની શરૂઆતમાં ગાયેલ આ સરસ ગીત વિશે જેમની પાસે જે કંઈ માહિતી હોય તે આપવા આગ્રહભરેલી વિનંતી છે.