નિરુદ્દેશે નિરૂદ્દેશે, સંસારે મુજ મુગ્ધ ભ્રમણ પાંશુ-મલિન વેશે ક્યારેક મને આલિંગે છે કુસુમ કેરી ગંધ ક્યારેક મને સાદ કરે છે કોકિલ મધુર-કંઠ નેણ તો ઘેલાં થાય નિહાળી નિખિલના સહુ રંગ મન મારું લઈ જાય ત્યાં જાવું પ્રેમને સન્નિવેશે, નિરૂદ્દેશે પંથ નહીં કોઈ લીધ, ભરું ડગ ત્યાં જ રચું મુજ કેડી તેજછાયા તણે લોક, પ્રસન્ન-વીણા પર પૂરવી છેડી એક આનંદના સાગરને જલ જાય સરી મુજ બેડી હું જ રહું વિલસી સહુ સંગ ને હું જ રહું અવશેષે, નિરૂદ્દેશે નિરૂદ્દેશે, સંસારે મુજ મુગ્ધ ભ્રમણ પાંશુ-મલિન વેશે ગીતઃ રાજેન્દ્ર શાહ સ્વરઃ હરિહરન સંગીતઃ અજિત શેઠ ક્લીક કરો અને સાંભળોઃ