આ જિંદગીનું ચકડોળ આ જિંદગીનું ચકડોળ ચાલે છે આજે ઓ દિલમાં રહેનારી મને ભૂલી ના જાજે ઓ ફેર ફૂદરડી મને ફેરવનારા જોજે દિલમાં રાખીને વહાલા છોડી ન જાજે ઊંચી ઊંચી આ પહાડી આજ તને કંઈ કહેશે દિલના ઊંચા પ્રેમશિખર પર પ્રીતમ છાયો રહેશે આ જિંદગીનું ચકડોળ ચાલે છે આજે વહેતા ઝરણાં કલબલ કરતાં ગીત મધુરાં છેડે જોને એ સાગરને મળવા હરણની ઝડપે દોડે આ જિંદગીનું ચકડોળ ચાલે છે આજે લીલીછમ વનની વનરાજી નવાં ઓઢણાં ઓઢે જોને ઘેલો એનો પ્રીતમ એની સોડમાં પોઢે આ જિંદગીનું ચકડોળ ચાલે છે આજે સાગર જોને મસ્ત બનીને મોજાં કેવાં ઉછાળે પ્રણયઘેલો જોને કિનારો જેવો મારગ કાઢે આ જિંદગીનું ચકડોળ ચાલે છે આજે માદક ખુશબૂ લઈને વાયુ મીઠો વીંઝણો ઢોળે ગુલબંકાવલી મોગરો ચંપો જોને ખુશબૂ વેરે આ જિંદગીનું ચકડોળ ચાલે છે આજે ઓ દિલમાં રહેનારી મને ભૂલી ના જાજે તું દિલમાં રાખીને વહાલા છોડી ન જાજે આ જિંદગીનું ચકડોળ ચાલે છે આજે સ્વરઃ શૈલેન્દ્રસિંઘ અને આશા ભોસલે ગીતઃ વસંતકુમાર પટેલ સંગીતઃ પુરુષોત્તમ ઉપાધ્યાય ચિત્રપટઃ રખવાળાં મારે ઘનશ્યામનાં (૧૯૭૬) ક્લીક કરો અને સાંભળોઃ